Super yarim o‘rta vazn toifasida WBA kamari sohibi Isroil Madrimov 3-avgust kuni Terens Kroufordga qarshi jang qiladi.
Madrimov bo‘lajak jang haqida o‘z fikrlarini bildirib o‘tdi.
“Hali erta edi, deydiganlar bor. Bunaqa imkoniyat yana bo‘ladimi, yo‘qmi? Bunday jangni ko‘pchilik xohlaydi. Lekin imkoniyat bo‘lmaydi, to‘g‘ri kelmaydi.
Bizda hozir shunday imkoniyat bor. Bundan faqat foydalanish kerak. Erta-kech degan gap kerak emas. Insha Alloh, vaqti keldi deb, o‘ylayman”, — deydi Madrimov.
Qayd etib o‘tish joiz, o‘tgan yilning 30-iyul kuni Krouford hamyurti Errol Spensni to‘qqizinchi raundda texnik nokautga uchratib, yarim o‘rta vazn toifasida mutlaq jahon chempioniga aylangan edi.
Amerikalik chempion professional ringda o‘tkazgan 40 ta jangining barchasida g‘alaba qozongan. G‘alabalarining 31 tasiga nokaut orqali erishgan.
Eslatib o‘tamiz, Isroil Madrimov 8-mart oqshomida Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.
Izoh (0)