Professional boksning yarim o‘rta vazn toifasi vakillari (-66,7 kg) Terens Krouford (40-0, 31 KO) va Errol Spens (28-1, 22 KO) O‘zbekiston vaqti bilan 30-iyul tongida Las-Vegasda o‘zaro jang qildi.
Krouford 2-raunddayoq Spensni nokdaunga tushirdi. 7-raundda Terens yana 2 marta Spensni nokdaun holatiga tushirdi, 9-raundda esa Kroufordning qator zarbalaridan keyin referi jangni to‘xtatdi.
Shu tariqa Krouford yarim o‘rta vazn toifasining IBF, WBA Super, WBC va WBO kamarlarini o‘ziniki qildi.
Spens faoliyatidagi ilk mag‘lubiyatni qabul qildi. Krouford esa prof boksdagi ketma-ket 40-g‘alabasini (31 ta nokaut) qo‘lga kiritdi.
Izoh (0)