AQSH hukumati va Yevropa Ittifoqi elitasi G‘arb qurol ishlab chiqaruvchilari daromadini ta’minlash maqsadida Ukraina va Rossiya o‘rtasida tinchlik bitimi imzolanishiga to‘sqinlik qildi. Bu haqda Venesuela prezidenti Nikolas Maduroga tayanib “RIA Novosti” xabar berdi.
Dastlabki kelishuv imzolanishga tayyor edi. AQSH hukumati va Yevropa Ittifoqi elitasining niyati imzo qo‘ymaslik bo‘ldi. Ular qurol kompaniyalariga katta foyda keltiradigan urush bilan kun ko‘rmoqda, — deydi Maduro.
Joriy yilning fevral oyida amerikalik jurnalist Taker Karlsonga bergan intervyusida Rossiya prezidenti Vladimir Putin Ukraina bilan 2022-yilda muzokaralar deyarli yakunlanganini, ammo rus qo‘shinlari Kiyevdan olib chiqib ketilgandan so‘ng Ukraina kelishuvlarni bajarmaganini aytgan. Putin G‘arb Ukraina mojarosini tinch yo‘l bilan hal qilishni xohlasa, Rossiya muloqotga tayyorligini ta’kidlagan.
Kreml ta’kidlaganidek, agar de-fakto vaziyat va yangi voqeliklar hisobga olinsa, Moskvaning barcha talablari bajarilsa, Ukrainadagi vaziyat tinch yo‘nalishga o‘tishi mumkin.
Rossiya Ukrainaga qurol yetkazib berish kelishuvga xalaqit bermoqda, NATO davlatlarini mojaroga bevosita jalb qilmoqda va “o‘t bilan o‘ynayapti” deb hisoblaydi. Rossiya TIV rahbari Lavrovga ko‘ra, AQSH va NATO ikki davlat o‘rtasidagi mojaroda bevosita ishtirok etmoqda, jumladan, nafaqat qurol-yarog‘ yetkazib berish, balki Buyuk Britaniya, Germaniya, Italiya va boshqa mamlakatlarda kadrlar tayyorlash bilan ham shug‘ullanmoqda. Kremlning ta’kidlashicha, Ukrainani G‘arb qurollari bilan to‘ldirish muzokaralarga hissa qo‘shmaydi, aksincha salbiy ta’sir ko‘rsatadi.
Izoh (0)