Mamlakatda faoliyati to‘xtatilgan BMT Inson huquqlari bo‘yicha oliy komissarining Karakasdagi boshqarmasi josuslik va fitna uyushtirish bilan shug‘ullangan, dedi Venesuela prezidenti Nikolas Maduro. Bu haqda EFE xabar bergan.
Davlat rahbari ushbu boshqarma terrorchilar hamda Venesuela qotillari uchun yuridik firmaga aylanganini qo‘shimcha qilgan.
Uning so‘zlariga ko‘ra, rasmiylar boshqarma tomonidan qonun buzish holatlari haqida BMTga kamida 10 marta xabar bergan, biroq hech qanday chora ko‘rilmagan.
“Barcha (boshqarma xodimlari), xayriyatki, shanba kuni mamlakatni tark etdi. Boshqarma BMT qonunlarini, Venesuela mustaqilligi va suverenitetini hurmat qilmaguncha, vaziyatni to‘g‘rilamaguncha va oshkora uzr so‘ramaguncha uning xodimlari mamlakatga qaytmaydi”, — deya xabar bergan Maduro.
Izoh (0)