Kechqurun butun oila qiziqarli filmni tomosha qilish uchun yig‘ilishi ajoyib an’ana. Kattalarga bu ishdan keyin dam olish uchun yaxshi mashg‘ulot bo‘lsa, bolalarga ota va onasi bilan ko‘proq vaqt o‘tkazishi uchun ajoyib imkoniyat.
Baʼzida yaxshi film topish uchun bir necha soat vaqt ketishi mumkin, chunki tanlangan film barchaga birdek yoqishi kerak. Quyida bolalar va kattalarga birdek yoqadigan filmlar jamlanmasini taqdim etamiz.
“Vonka” (2023)
O‘tgan yili rejissyor Pol Kingning ushbu filmi ko‘plab tomoshabinlarga manzur bo‘ldi, mashhur amerikalik aktyor Timoti Shalame kartinada bosh rolni ijro etgani ham uning muvaffaqiyatini ta’minladi.
Filmda Villi Vonka — eng mazali shirinliklar sotiladigan shokolad do‘koni ochishni orzu qilgan yigit haqida hikoya qilinadi. Biroq u raqobatchilar va firibgarliklar bo‘lgan shafqatsiz reallik bilan yuzma-yuz keladi. Shunga qaramay, Vonka unga yordam beradigan yaxshi do‘stlarni topadi.
“Kristofer Robin” (2018)
Kristofer Robin bizga Vinni Pux haqidagi kitoblardan yaxshi tanish. Filmda allaqachon oilali, sumka va chamadonlar bilan shug‘ullanadigan kompaniyada ishlaydigan erkak tasvirlangan. U Londonda yashaydi va qizining qimmat maktab internatga borishini orzu qiladi. Biroq uning ishlari yaxshi emas, Kristofer hatto oilasi uchun yetarli vaqt ajrata olmaydi. Vinni Pux bilan uchrashgandan keyin Robinning hayoti keskin o‘zgaradi: birgalikda ular yana bolalikka qaytadi.
“Paddingtonning sarguzashtlari” (2014)
Ushbu oilaviy komediya, albatta, sizning oqshomingizni maroqli o‘tishini taʼminlaydi. Bir kuni gapirishni biladigan ayiq Perudan Angliyaga keladi. Vokzalda u Braunlar oilasi bilan tanishib qoladi va oila jonivorni uyiga olib ketadi. Paddingtonni yangi va qiziqarli hayot kutayotganga o‘xshardi, ammo to‘satdan taksidermist bo‘lib ishlaydigan ayol undan muzey uchun eksponat sifatida foydalanmoqchi bo‘ladi.
“Dambo” (2019)
Filmning syujetiga ko‘ra, sobiq cherkov artisti Holt Farrier urushdan keyin o‘g‘li va qizi uchun uyiga qaytadi, chunki xizmat paytida u xotinini yo‘qotgandi. Bir kuni Holtga ilgari ishlagan sirkining egasi endigina tug‘ilgan fil bolasini boqishni taklif qiladi. Bolalar ham otasiga yordam berishga qaror qiladi. Jonivorni Dambo deb nomlashadi, u boshqa fillardan katta quloqlari bilan farq qilardi. Keyinchalik fil bolasi ularning yordami bilan ucha olishi maʼlum bo‘ladi. Bu qobiliyat sirk rahbariyatini juda qiziqtirib qo‘yadi.
“Ertaklar olami” (2008)
Bosh rolni mashhur amerikalik aktyor va komik Adam Sendler ijro etgan. U Skiter Bronson — bir vaqtlar otasiga tegishli bo‘lgan mehmonxonada oddiy chilangar bo‘lib ishlovchi odam rolini ijro etadi. Gap shundaki, amakisi vaʼda berganiga qaramay, biznesni boshqarishiga yo‘l qo‘ymaydi. Bir kuni Skiterning singlisi undan ikki farzandiga qarab turishni so‘raydi. Har kuni kechqurun onasi ularga ertak aytib berar edi. Shu sabab Skiter ham jiyanlari uxlab qolishi uchun turli xil hikoyalarni o‘ylab topishi kerak bo‘ladi va to‘satdan fantastika haqiqatga aylanib, Bronsonning hayoti o‘zgaradi.
Izoh (0)