Har bir insonning filmlardagi xatolarga munosabati har xil. Ba’zilar ularni shunchaki ko‘z yumish kerak bo‘lgan mutlaqo oddiy narsa deb hisoblaydi, boshqalar esa darhol rejissyorlarni e’tiborsizlikda ayblay boshlaydi.
“Ishdagi ishq”
Novoseltsev qo‘lida olib yurgan ot haykalini eslaysizmi? E’tibor bering, Kaluginaning kostyumi tugmalari dastlab qadalmagan. Ammo bir soniyadan so‘ng tugmachalar qadalib qolgan.
“Uch plyus ikki”
Kadr boshida arqonga osilgan turli rangdagi bulg‘or qalampirlarini ko‘ramiz. Ammo kadr o‘zgarganda, ularning barchasi qizil rangga kirib qoladi.
Chodirdagi sahnada Natashaning munchoqlari bilan ham g‘alati holat yuz beradi: ular goh paydo bo‘ladi, goh yo‘qoladi.
“Kavkaz asirasi yoki Shurikning yangi sarguzashtlari”
Dovdir “Baliq!” deb qichqirgan sahnada dominoda “baliq” yo‘qligini payqash mumkin: stolda 5:1 nisbatidagi tosh yetarli emas, 5:4 nisbati esa ikki marta qaytarilgan.
“Eng latofatli va jozibali”
Nadya blankalarni to‘ldirayotganida, uning oldida faqat sariq va yashil qog‘ozlar yotardi. Ammo kadr o‘zgarishi bilanoq qahramon yo‘q joydan oq qog‘oz ushlab turadi.
“Brilliant qo‘l”
Qizil “Moskvich”ning tomidagi narsalar sirli tarzda g‘oyib bo‘ladi.
“Moskva ko‘z yoshlarga ishonmaydi”
Antoninaning turmush o‘rtog‘i Nikolayning qo‘lidagi sevgilisining ismi tushirilgan tatuirovkasi goh yo‘qoladi, goh to‘satdan paydo bo‘ladi.
Lyuda o‘ziga oro berayotganida quloqlarida ko‘k sirg‘alar ko‘rinadi. Ammo u ko‘chaga chiqishi bilanoq qulog‘ida oq ziraklar paydo bo‘ladi.
“Muhabbat va kabutarlar”
Vasyaning xatini o‘qiyotganda Nadya derazaga orqa qilib o‘tiradi. Bir necha soniyadan so‘ng — orqasida shkaf turibdi.
“Oltin buzoq”
Sahna boshida mashinada yozuv borligini ko‘ramiz, biroq bir necha daqiqadan so‘ng u izsiz g‘oyib bo‘ladi.
Izoh (0)