Jizzaxda Lacetti va avtobus ishtirokida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda viloyat IIB Yo‘l harakati xavfsizligi boshqarmasi xabar berdi.
Qayd etilishicha, 25-may kuni 09:15 larda Sharof Rashidov tumani “Yoyilma” MFY hududidan o‘tgan M-39 Toshkent—Termiz avtomobil yo‘lining 979-kilometrida yo‘l-transport hodisasi sodir bo‘lgan.
Navoiy viloyati Xatirchi tumanida yashovchi 21 yoshli S.A. Lacetti rusumli avtomashinasini Samarqand—Toshkent yo‘nalishida boshqarib borayotib, 4.1.1 yo‘l belgisiga amal qilmasdan orqaga qayrilib olib, qarama-qarshi yo‘nalishda harakatlanib ketayotgan 53 yoshli X.R. boshqaruvida bo‘lgan YBL613OH rusumli yo‘lovchi tashuvchi avtomashina yo‘liga chiqib ketgan.
YTH oqibatida Lacetti salonida bo‘lgan 2003-yilda tug‘ilgan yo‘lovchi olgan jarohatlari tufayli voqea joyida vafot etgan hamda 2004-yilda tug‘ilgan yana bir yo‘lovchi va avtomashina haydovchisi olgan tan jarohatlari sabab RSHTYOIM Jizzax filialining jonlantirish bo‘limiga yotqizilgan.
Surishtiruv ishlari davomida avtobus haydovchisi va salonida bo‘lgan yo‘lovchilarga tan jarohati yetmagani, Lacetti haydovchisi va yo‘lovchilar umumtaʼlim maktabi o‘quvchilari bo‘lmagani aniqlangan.
Kuni kecha Toshkent viloyatining Toshkent tumanida to‘rtta avtomobil ishtirokida YTH sodir bo‘lgani, oqibatda Toyota Prado haydovchisi vafot etgani to‘g‘risida xabar berilgandi.
Izoh (0)