“Bavariya” yarim himoyachisi Joshua Kimmix va “Manchester Siti” yarim himoyachisi Rodri “Real Madrid” qiziqishlari doirasidagi kirdi. Bu haqda AS xabar bermoqda.
Manbaga ko‘ra, “qirollik klubi” yarim himoyachi Toni Kroos faoliyatini yakunlaganini e’lon qilganidan keyin uning o‘rniga o‘rinbosar qidira boshlagan. Kimmix va Rodri “Real” uchun ustuvor variant bo‘lib hisoblanmoqda.
Kroos 2014-yilning iyulida “Bavariya”dan “Real”ga o‘tgan edi. Transfer summasi 25 million yevroni tashkil etgan futbolchining klub bilan shartnomasi 2024-yilning yozida tugaydi. Transfermarkt ma‘lumotlariga ko‘ra, nemis futbolchisining transfer bahosi 12 million yevroga baholangan. Kroos “Los Blankos” safida jami 463 o‘yin o‘tkazib, 28 gol urdi va 98 golga assistentlik qildi.
“Real” bilan yarim himoyachi to‘rtta Ispaniya chempionligi, bir marta Ispaniya kubogi va to‘rtta Ispaniya Superkubogi, shuningdek, to‘rtta Chempionlar Ligasi sovrini, to‘rtta UEFA Superkubogi va beshta klublar o‘rtasidagi jahon chempionatida g‘olib chiqdi.
Izoh (0)