“Бавария” ярим ҳимоячиси Жошуа Киммих ва “Манчестер Сити” ярим ҳимоячиси Родри “Реал Мадрид” қизиқишлари доирасидаги кирди. Бу ҳақда АС хабар бермоқда.
Манбага кўра, “қироллик клуби” ярим ҳимоячи Тони Кроос фаолиятини якунлаганини эълон қилганидан кейин унинг ўрнига ўринбосар қидира бошлаган. Киммих ва Родри “Реал” учун устувор вариант бўлиб ҳисобланмоқда.
Кроос 2014 йилнинг июлида “Бавария”дан “Реал”га ўтган эди. Трансфер суммаси 25 миллион еврони ташкил этган футболчининг клуб билан шартномаси 2024 йилнинг ёзида тугайди. Transfermarkt маълумотларига кўра, немис футболчисининг трансфер баҳоси 12 миллион еврога баҳоланган. Кроос “Лос Бланкос” сафида жами 463 ўйин ўтказиб, 28 гол урди ва 98 голга ассистентлик қилди.
“Реал” билан ярим ҳимоячи тўртта Испания чемпионлиги, бир марта Испания кубоги ва тўртта Испания Суперкубоги, шунингдек, тўртта Чемпионлар Лигаси соврини, тўртта УЕФА Суперкубоги ва бешта клублар ўртасидаги жаҳон чемпионатида ғолиб чиқди.
Изоҳ (0)