“An-Nassr”ning 39 yoshli hujumchisi Krishtiano Ronaldu Yevropa futboliga qaytishi mumkin.
Saudiyalik jurnalist Alxaz Mutabning ijtimoiy tarmoqlarda yozishicha, Ronalduga Leverkuzenning “Bayer” klubi qiziqmoqda. Qayd etilishicha, futbolchini shaxsan murabbiy Xabi Alonso taklif qilmoqchi. Ispaniyalik mutaxassis tajribali Ronalduning Bundesliga va Chempionlar Ligasida “Bayer”ga yordam berishiga ishonmoqda.
Krishtianu Ronaldu 2023-yilda erkin agent sifatida “An-Nassr”ga o‘tgan edi. Joriy mavsumda Ronaldu barcha turnirlarda 42 ta uchrashuvda qatnashib, 42 ta gol urdi va 12 ta golli uzatmani amalga oshirdi. Transfermarkt portalida berilgan ma’lumotlarga ko'ra, futbolchining bozor qiymati 15 million yevroni tashkil qiladi.
Eslatib o‘tamiz, Portugaliya terma jamoasi Yevro—2024 uchun bergan qaydnomada Krishtianu ham bor. Germaniyada bo‘lib o‘tadigan turnir 39 yoshli futbolchi uchun faoliyatidagi oltinchisi bo‘ladi.
Izoh (0)