Suriyadagi terroristik tashkilotda ishlayotgan o‘zbekistonlik erkak qidirilmoqda

Suriyadagi terroristik tashkilotda ishlayotgan o‘zbekistonlik erkak qidirilmoqda. Bu haqda Toshkent viloyati IIBB xabar berdi. 

Ma’lum qilinishicha, Sulaymonov Otabek 1992-yili 1-noyabrda Toshkent viloyati Oqqo‘rg‘on tumanida tug‘ilgan. “Tavhid va jihod katibasi” xalqaro terroristik tashkiloti a’zosi. 

U 2012-yil ishlash maqsadida uyidan Janubiy Koreyaga chiqib ketgan. U yerda Sodiq Samarqandiy, Abdulloh Zufar, Abusaloh nomi bilan tanilgan shaxslar va boshqa yashirin faoliyat yuritayotgan xalqaro terroristik tashkilot ta’siri ostida hijrat va jihod qilish maqsadida Turkiya orqali Suriyaga o‘tgan. 

Suriyada faoliyat olib borayotgan “Tavhid va jihod” xalqaro terroristik tashkiloti safiga borib qo‘shilgan. Hozirda tashkilotda media yollovchi bo‘lib faoliyat olib boradi. Unga nisbatan Jinoyat kodeksining 159-moddasi 1-qismi hamda 244-moddasi bilan jinoyat ishi qo‘zg‘atilib, maxsus qidiruvga berilgan.