Og‘ir damlarda yaxshi ko‘rgan insonini tark etmaslik haqiqiy muhabbat hisoblanadi. The Voice nashri yaqin insonlari og‘ir kasallikka chalingan bo‘lsa ham ularni tashlab qo‘ymagan, yanada ko‘proq mehr bergan mashhurlar haqida ma’lumot berdi.
Meril Strip
Amerikalik aktrisa Meril Strip 27 yoshida aktyor Jon Kazal bilan uchrashgan: o‘shanda u endigina kinodagi karyerasini boshlagan va mashhur yulduzga aylangan edi. Bu sevgi edi: Jon juda tez o‘z sevgilisiga turmush qurish taklifini bergan.
Ishlar yaxshilandi: Stripga ish bo‘yicha takliflar kela boshladi. Hayot yaxshilanayotganga o‘xshardi. Biroq keyin muammo paydo bo‘ldi: Kazalga o‘pka saratoni tashxisi qo‘yildi. Aktyor sevgilisi Avstraliyaga suratga olish uchun borishini ta’kidlab, hammasi yaxshi bo‘lishini va’da qildi. Biroq Meril bir necha oydan keyin qaytib kelganida, Jon yotib qolgan edi. O‘sha paytda aktrisaga birin-ketin suratga olish ishlari bo‘yicha takliflar tushdi, lekin u hamma narsadan voz kechdi va turmush o‘rtog‘iga qaray boshladi. Biroq afsuski, uni saqlab qolishning iloji bo‘lmadi.
Pol Makkartni
Pol Makkartni va Linda Eastmanning nikohi eng uzoq va baxtli turmush bo‘lishi mumkin edi. Juftlik birga yashagan hayoti davomida bir marta, atigi bir haftaga ajrashgan. Ular bolalarini tarbiyaladi, o‘z fermasida yashab, birga qarishni rejalashtirdi. Biroq 1995-yilda Lindaga ko‘krak bezi saratoni tashxisi qo‘yildi. Pol, iloji boricha, turmush o‘rtog‘ining hayoti uchun kurashdi, oradan 3 yil o‘tib keyin u vafot etdi. Makkartni sevganini tark etishni xayoliga ham keltira olmaganini ta’kidladi.
Pirs Brosnan
Pirs Brosnan va Kassandra Xarris “Bond” kastingida uchrashishdi va turmush qurishga qaror qilishdi. Aktyor sevgilisining farzandlarini asrab oldi va shundan keyin vaqt o‘tib ularning o‘g‘li dunyoga keldi. Oradan yetti yil o‘tgach, juftlik muammoga duch keldi — Kassandraga saraton tashxisi qo‘yildi. Pirs turmush o‘rtog‘i bilan to‘rt yil davomida uning kasallikdan tuzalishi uchun kurashdi. Brosnan hamma ishlarini tashlab, sevimli ayoli uchun eng yaxshisini qilishga harakat qildi. Biroq urinishlar besamar ketdi: 1991-yilning 28-dekabrda aktrisa vafot etdi. Ma’lumot uchun, Kassandra Kristinning qizi ham 2013-yilda xuddi shu tashxisdan vafot etgan.
Mavzuga doir:
- Tashqi ko‘rinishi bir xil: hamma doim bir-biri bilan adashtiradigan mashhurlar (foto)
- Ota-onasi ularni qo‘llab-quvvatlash uchun qo‘lidan kelgan hamma narsani qilgan mashhurlar (foto)
- Ajoyib suratlar: Anjelina Joli, Joni Depp, Kianu Rivz va boshqa mashhurlar birinchi rolini ijro etganda qanday ko‘rinishda bo‘lgan?
- Keyt Uinslet, Emma Uotson, Jonni Depp va muxlislariga yaxshilik qilishi bilan e’tiborga tushgan boshqa mashhurlar
Izoh (0)