AQSH telekommunikatsiya kompaniyalarini Tinch okeani bo‘ylab internet trafikni olib o‘tadigan dengizosti kabellari Xitoy ta’mirlash kemalari tomonidan josuslikka zaifligi haqida ogohlantirdi, deya The Wall Street Journal xabar berdi.
-NWg5WsFn.jpg)
Xabarga ko‘ra, Xitoyning mumkin bo‘lgan aralashuvi tijorat va harbiy maʼlumotlar xavfsizligiga tahdid soladi.
AQSH Davlat departamenti vakillari Xitoyning S.B.Submarine Systems kompaniyasiga tegishli taʼmirlash kemalarining noodatiy xatti-harakatlarini qayd etgan: kompaniya o‘z kemalarining joylashuvini radio va sun’iy yo‘ldosh kuzatish xizmatlaridan yashiradi.
AQSH rasmiylari S.B.Submarine Systems maxfiy operatsiyalarda ishtirok etadigan kemalarining harakatlarini ataylab yashirishidan xavotir bildirgan.
Nashr AQSH rasmiylari nozik harbiy ma’lumotlarni tashuvchi kabellar haqida ayniqsa hushyor bo‘lishganini da’vo qilmoqda.
Avvalroq The New York Times nashri AQSH Savdo vazirligi Xitoyning internetga ulangan elektr transport vositalariga nisbatan tekshiruv boshlaganini xabar qilgan edi.
- AQSH Savdo vaziri Jina Raymondoning so‘zlariga ko‘ra, bunday elektr transport vositalarining potensial xavfi shundaki, ular infratuzilma, haydovchilarning smartfonlari, qo‘shni avtomobillar bilan aloqa o‘rnatishi va shu tariqa katta hajmdagi ma’lumotlarni to‘plashi mumkin.
- 14-may kuni Jo Bayden maʼmuriyati sanoatni himoya qilish va adolatsiz raqobatga qarshi kurashish uchun sabablarni keltirib, Xitoydan import qilinadigan mahsulotlarga qattiq cheklovlar qo‘yganini eʼlon qigan edi.
- Xususan, Xitoy elektromobillari cheklovlarning asosiy maqsadi hisoblanadi: ular uchun import bojlari joriy 27,5 foizdan 102,5 foizgacha oshishi kutilmoqda.
Izoh (0)