Toshkent shahrida yashovchi (ayol) N.D. ichki ishlar organlariga murojaat qilib, bank kartasidan 30 mln so‘m miqdoridagi pul mablag‘lari nomaʼlum shaxs tomonidan o‘zlashtirilganini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida, mazkur jinoyatni Toshkent viloyatida yashovchi T.A. sodir etgani aniqlangan.
Gumonlanuvchi sifatida tergov organlariga jalb etilgan T.A. internet foydalanuvchilariga Telegram messenjeri orqali turli xil mazmundagi xabarni (havola) jo‘natib, bu eʼlonga ishongan jabrlanuvchi (ayol) N.D.ning bank karta maʼlumotlarini qo‘lga kiritish orqali bank kartalarida saqlangan 30 mln so‘m miqdoridagi pullarni o‘g‘irlab, o‘tkazib olishga erishib, mazkur pullarni o‘z ehtiyojlariga sarflab yuborgan.
Mazkur holat yuzasidan T.A.ga nisbatan JKning 169-moddasi (o‘g‘irlik) 3-qismi “b” bandi bilan jinoyat ishi qo‘zg‘atilgan.
Izoh (0)