Samarqandda Nexia-2 YTH oqibatida ikkiga bo‘linib ketgani aks etgan tasvirlar tarqalgandi. Viloyat YHXB holat yuzasidan ma’lumot berdi.
Unda aytilishicha, ushbu YTH 18-may kuni soat 23:00 larda Samarqand shahar “Xo‘jadonyor” MFY hududidan o‘tuvchi Islom Karimov ko‘chasida sodir bo‘lgan. 1991-yilda tug‘ilgan haydovchi Nexia-2 ni boshqarib ketayotib, rul boshqaruvini yo‘qotib yo‘l chetida joylashgan temir ustunga o‘ng yon tomon orqa eshigi bilan urilgan.
Xabarda YTH oqibatida jarohat olganlar mavjudligi bildirilgan, ammo ularning soniga aniqlik kiritilmagan.
Ayni paytda holat yuzasidan tergovga qadar surishtiruv ishlari olib borilmoqda.
Izoh (0)