Isroil G‘azo janubidagi Rafah hududiga qo‘shimcha kuchlar yuboradi. Bu haqda Isroil mudofaa vaziri Yoav Gallant bayonotiga asoslanib, “TASS” nashri xabar berdi.
Manbada aytilishicha, qo‘shimcha kuch yuborishdan asosiy maqsad operatsiyani tezroq yakunlash. Bunga erishish uchun esa Isroil G‘azo shimolidagi harbiy qismlarini Rafahga ko‘chiradi.
Yoav Gallant mavjud vaziyatni baholash uchun 15-may kuni Rafah yaqinidagi hududga borgan. Hududda Isroil harbiylari bilan uchrashgan.
“Rafahdagi quruqlik operatsiyasi hududiga qo‘shimcha kuchlar yuboriladi. Ushbu hududdagi bir qancha tunnellar vayron qilingan”, — degan mudofaa vaziri harbiylar bilan uchrashuvda.
Yoav Gallant ,shuningdek, Isroil kuchlari G‘azo janubida muvaffaqiyatli ish olib borayotganini aytgan. Hudud to‘la askarlar nazoratida ekani bildirilgan.
“Men Rafah hududidaman. Qo‘shinlarimiz aʼlo darajada vazifa bajaryapti. Yuzlab nuqtalar allaqachon nishonga olingan. Bo‘linmalarimiz hududda manyovrlar amalga oshirmoqda”, — degan Isroil vaziri.
Mudofaa vaziri Yoav Gallant Isroil hujumi yakunlanganidan so‘ng HAMASni qayta tiklash mutlaqo imkonsiz ekanini aytgan. Chunki bu harakatning zaxira qo‘shinlari, resurs manbalari hamda taʼminot omborlari to‘laligicha vayron qilingan.
Izoh (0)