Isroil harbiylari 15-may kuni G‘arbiy Sohilda reyd o‘tkazib, 20 nafar falastinlikni hibsga olgan. Bu haqda Al Jazeera nashri xabar berdi.
Tinch aholi vakillarining hibsga olinishi haqida dastlab Falastin mahbuslar jamiyati xabar bergan. Reydlar 14-may kuni kechki payt boshlangan.
G‘arbiy Sohil hududining qator aholi punktlari Isroil tomonidan nazorat qilinishi xabar berilgan. Hududga so‘nggi yillarda isroillik ko‘chmanchilarning oqib kelishi bir necha barobar ko‘paygan.
So‘nggi reydlarda hibsga olingan 20 nafar fuqaroning ikki nafari voyaga yetmagan bola hamda yana ikki nafari sobiq mahbuslar ekani bildirilgan.
Hibsdagilar orasida ayollar ham bo‘lgan.
Isroil askarlari, asosan, G‘arbiy Sohilning Xevron tumanida reydlar olib borgan. Tulkarim, Baytlahm, Qalqilya va Quddus atroflarida ham qamoqqa olishlar kuzatilgan.
Al Jazeera maʼlumotlariga ko‘ra, 7-oktyabrdan beri G‘arbiy Sohilda Isroil harbiylari tomonidan hibsga olinganlarning umumiy soni 8745 nafarga yetgan. Reydlarda jami 498 kishi halok bo‘lgan. Ulardan 124 nafari bolalar va 7 nafari ayollar bo‘lgan.
Izoh (0)