Polsha Rossiya va Belarus bilan chegarasidagi hududini mustahkamlash va u yerda bunkerlar qurishni rejalashtirmoqda. Bu haqda Polsha mudofaa vaziri Vladislav Kosinyak-Kamishga tayanib, Radio ZET xabar berdi.
Kosinyak-Kamishning so‘zlariga ko‘ra, Polsha ayrim hududlarda harbiy kontingentlar joylashtirgan, chegarani mustahkamlashga yo‘naltirilgan joriy xarajatlar esa mamlakat uchun rekord hisoblanadi.
“Biz allaqachon buni de-fakto amalga oshirmoqdamiz — chegarani mustahkamlayapmiz. To‘g‘onni ta’mirlayapmiz, mustahkamlayapmiz, Podlyashda, voyevodalikda harbiy guruh bor. Lyublin, Masovetskoye, Varmin-Mazur voyevodaliklarida armiya, ittifoqchi qo‘shinlar mavjud”, — dedi Polsha mudofaa vaziri.
Eslatib o‘tamiz, aprel oyi oxirida Polsha o‘z hududida NATO yadro qurolini joylashtirish bo‘yicha rasmiy so‘rov bilan chiqqandi. Polsha prezidenti Anjey Duda bu masala Vashington va Varshava o‘rtasidagi muzokaralar mavzusi ekanini aytgan. Uning so‘zlariga ko‘ra, Rossiya Kaliningrad viloyatini harbiy jihatdan mustahkamlashda davom etmoqda, shuningdek, Belarus hududida yadro qurolini ham joylashtirgan.
Izoh (0)