Польша Россия ва Беларусь билан чегарасидаги ҳудудини мустаҳкамлаш ва у ерда бункерлар қуришни режалаштирмоқда. Бу ҳақда Польша мудофаа вазири Владислав Косиняк-Камишга таяниб, Радио ZЕТ хабар берди.
Косиняк-Камишнинг сўзларига кўра, Польша айрим ҳудудларда ҳарбий контингентлар жойлаштирган, чегарани мустаҳкамлашга йўналтирилган жорий харажатлар эса мамлакат учун рекорд ҳисобланади.
“Биз аллақачон буни де-факто амалга оширмоқдамиз — чегарани мустаҳкамлаяпмиз. Тўғонни таъмирлаяпмиз, мустаҳкамлаяпмиз, Подляшда, воеводаликда ҳарбий гуруҳ бор. Люблин, Масовецкое, Вармин-Мазур воеводаликларида армия, иттифоқчи қўшинлар мавжуд”, — деди Польша мудофаа вазири.
Эслатиб ўтамиз, апрель ойи охирида Польша ўз ҳудудида НАТО ядро қуролини жойлаштириш бўйича расмий сўров билан чиққанди. Польша президенти Анжей Дуда бу масала Вашингтон ва Варшава ўртасидаги музокаралар мавзуси эканини айтган. Унинг сўзларига кўра, Россия Калининград вилоятини ҳарбий жиҳатдан мустаҳкамлашда давом этмоқда, шунингдек, Беларусь ҳудудида ядро қуролини ҳам жойлаштирган.
Изоҳ (0)