Polsha mudofaa vaziri o‘rinbosari Pavel Zalevskiy hukumat NATO yadro qurolini joylashtirishi bo‘yicha rasmiy so‘rov yubordi. Bu haqda tegishli manbalarga tayanib, The Moscow Times xabar berdi.
Ma’lum bo‘lishicha, gap Nuclear Sharing dasturida ishtirok etish uchun ariza haqida ketmoqda. Ilgari unga Belgiya, Italiya va Germaniya qo‘shilgan edi.
Polsha ham ushbu dasturda ishtirok etishga tayyorligini ma’lum qildi. Va bu ariza qaytarib olinmadi, — dedi Zalevskiy.
Shu bilan birga, u yadro qurolidan foydalanish bo‘yicha qaror, agar ular Polshada joylashtirilsa, amerikaliklar tomonidan qabul qilinishini eslatgan.
Avvalroq Polsha prezidenti Anjey Duda NATO sharqiy qanoti mudofaasini kuchaytirish uchun mamlakat hududida yadro qurolini joylashtirishga tayyorligini ma’lum qilgandi. Uning so‘zlariga ko‘ra, u Vashingtonga tashrifi chog‘ida bu mavzuni muhokama qilgan. Duda bunday chora zarurligini Kaliningrad viloyatining militarizatsiyasi va Rossiya yadro qurolining Belarusda joylashtirilishi bilan izohlagan.
Belarus prezidenti Aleksandr Lukashenko to‘g‘ridan to‘g‘ri Moskvadan olingan raketalar Polshaga qarshi yo‘naltirilishi mumkinligini aytgan. Yaqinda qabul qilingan harbiy doktrinada Minsk “do‘st bo‘lmagan” qo‘shni davlatlar, shu jumladan, Polsha hududida yadro va biologik qurollarning joylashtirilishini harbiy tahdid sifatida ko‘rishini aytgan.
Yadro almashinuvi bu — AQSH va NATO ittifoqchilari o‘rtasida harbiy zarurat tug‘ilganda, yadroviy qurollarni Amerika omborlaridan o‘tkazish to‘g‘risidagi kelishuv. Shimoliy Atlantika alyansi missiyasi doirasida Qo‘shma Shtatlar allaqachon 150 ga yaqin yadro kallaklarini Yevropa davlatlari hududiga joylashtirgan.
Rossiya rasmiysi Dmitriy Peskov Polshaning niyatlarini izohlar ekan, bu rejalar amalga oshirilganda Rossiya xavfsizligini ta’minlash uchun choralar ko‘rilishidan ogohlantirgan. Rossiya tomoni Polsha hududidagi yadro inshootlari Rossiya uchun qonuniy harbiy nishonga aylanishini aytgan.
Izoh (0)