Pokistonning Balujiston viloyatida qurollangan shaxslar 9-may kuni 7 kishini otib o‘ldirgan. Bu haqda Etilaatroz nashri xabar berdi.
Pokiston ommaviy axborot vositalarining xabar berishicha, Balujistonning Gvadar shahrida kamida yetti kishi o‘z uylarida uxlab yotgan vaqtida otib o‘ldirilgan. Mahalliy politsiya hodisa yuzasidan tergov qo‘zg‘atgan.
Gvadar politsiya bo‘limi boshlig‘i Mohsen Ali qurolli shaxslar haqida maʼlumot hali aniqlanmaganini bildirgan. Hodisa oqibatida yaralangan bir nafar fuqaro shifoxonaga yotqizilgani bildirilgan.
Otishma sodir etilgan manzil Gvadar portining Surbandar shahriga yaqin hududdagi turar joy mahallasida yuz bergani aytilgan. Politsiya rasmiysi o‘ldirilganlar hududda faoliyat yurituvchi sartaroshxona ishchilari bo‘lganini aytgan. Ularning barchasi Panjobning Xanval tumanidan bo‘lgan.
Ushbu hujum uchun javobgarlikni hozircha hech qaysi terrorchilik guruhi o‘z zimmasiga olmagan.
Oldinroq Balujistonning Nushki tumanida ham nomaʼlum bosqinchilar tomonidan 11 kishi otib o‘ldirilgan edi. Qurbonlarning to‘qqiz nafari Panjobdan Taftanga ketayotganlarida nishonga olingan. Yana ikki nafar fuqaro alohida qurolli hujumda halok bo‘lgan.
Izoh (0)