Pokistonda yo‘lovchi avtobusining tog‘da tepalikdan pastga tushib ketishi oqibatida kamida 20 kishi halok bo‘ldi, 20 ga yaqin kishi jarohatlandi. Bu haqda Geo TV xabar berdi.
Politsiya ma’lumotlariga ko‘ra, voqea 3-may kuni Chilas shahridan 20 kilometr uzoqlikda sodir bo‘lgan. Avtobus haddan tashqari yuqori tezlik tufayli yo‘l-transport hodisasiga uchragani aytilmoqda. Politsiya komissari o‘rinbosari Fayyaz Ahmad kamida besh yo‘lovchining ahvoli og‘irligini ma’lum qildi.
Halokat yuz bergan hududda qutqaruv operatsiyasi yakunlandi, jarayonga armiya vertolyotlari ham jalb qilingandi, — dedi u.
Pokiston bosh vaziri Shahboz Sharif qurbonlarning oila a’zolariga hamdardlik bildirgan. Bosh vazir tegishli mutasaddilarga jabrlanganlarga har tomonlama tibbiy yordam berish bo‘yicha ko‘rsatmalar bergan.
Izoh (0)