Ijtimoiy himoya milliy agentligi rahbariyati Xitoy inson resurslari va ijtimoiy ta’minot vaziri o‘rinbosari bilan uchrashdi.
Agentlik matbuot xizmatining ma’lum qilishicha, uchrashuv ijtimoiy himoya sohasidagi ikki tomonlama hamkorlikning yangi bosqichini boshlab berdi.
Tomonlar ijtimoiy qo‘llab-quvvatlash tizimlarini mustahkamlash strategiyalari va qashshoqlikka barham berish yo‘llarini muhokama qildi. O‘zaro hamjihatlik va hamkorlikka intilish jamiyatning barcha a’zolari uchun munosib turmush darajasini ta’minlashga qaratilgan dasturlarni ishlab chiqish va takomillashtirish uchun ishonchli asos yaratishi ta’kidlandi.
Tomonlar Xitoyning ijtimoiy himoya, sug‘urta va ish bilan ta’minlash bo‘yicha tajribasi hozirgi kunda faol isloh qilinayotgan O‘zbekistonning ijtimoiy himoya tizimini optimallashtirish uchun qimmatli manba ekanligiga kelishib oldi. Ishtirokchilar konstruktiv muloqot davom etishiga, ijtimoiy xizmatlar va aholini qo‘llab-quvvatlash sohasida hamkorlikni kengaytirishga umid bildirdi.
--5IRmPNz.jpg)
Shuningdek, agentlik tomonidan ishlab chiqilayotgan “Ijtimoiy sug‘urta to‘g‘risida”gi qonun loyihasi va boshqa me’yoriy-huquqiy hujjatlarni tahlil qilish uchun mutaxassislarni jalb etish masalalari ham muhokama qilingan. Tajriba almashish dasturlarini amalga oshirish, agentlik xodimlari uchun treninglar va o‘quv seminarlarini o‘tkazish rejalashtirilgan.
Izoh (0)