“O‘zgidromet” xabariga ko‘ra, bugun, 9-may kuni shimol va vodiyda yog‘ingarchilik kutilmaydi. Boshqa hududlarda yog‘ingarchilik bo‘lishi prognoz qilinmoqda. Yog‘inlar ba’zi hududlarda kuchli bo‘ladi.
Kuchli yog‘inlar yog‘ishidan oldin ba’zi hududlarda kuchli shamollar, chang to‘zonlari ko‘tarilishi mumkinligi qo‘shimcha qilingan edi.
Surxondaryoda chang bo‘roni
Surxondaryo viloyatining Termiz shahriga tongda janubi-g‘arbdan chang massasi kirib kelgan. Termizda kuchli shamol (xalq tilida “afg‘on shamollari”) va kuchli chang bo‘ronlari kuzatilgan.
Ko‘rinish masofasi taxminan 100-200 metrgacha kuchli cheklangan.
Kuchli chang bo‘roni natijasida Termizda PM2.5 va PM10 mayda dispers zarrachalari bilan bog‘liq ifloslanish haddan tashqari ortib ketgan.
“O‘zgidromet” platformasiga binoan, soat 12:00 da Termizda PM2.5 mayda dispers zarrachalari bilan bog‘liq xavf JSST talablari bo‘yicha ruxsat etilgan me’yordan haddan tashqari ortib ketgan.
PM10 mayda zarrachalar miqdori ham milliy standartlar bo‘yicha sutkalik ruxsat etilgan me’yordan ortib ketgani uchun mas’ul tuzilmalar aholiga o‘z tavsiyalarini berib o‘tishi lozim, — dedi iqlimshunos Erkin Abdulahatov.
Qashqadaryoda shamol
Qashqadaryo viloyatining ko‘plab tumanlarida tunda esgan kuchli shamol hududlarda daraxtlar, nosoz elektr tayanch ustunlari qulashi hamda ayrim hududlarda nomustahkam tomlarni uchirib ketgan.
Ma’lumot uchun, bugun havo harorati 29 darajagacha, ba’zi hududlarda 32 darajagacha ko‘tariladi.
Izoh (0)