Ijtimoiy tarmoqlarda “Bog‘cha opa tomonidan bola kaltaklanib, qo‘liga igna tiqildi” sarlavhasi ostida video tarqaldi. Mazkur holat bo‘yicha Maktabgacha va maktab ta’limi boshqarmasi ishchi guruhi tomonidan o‘rganish ishlari olib borildi.
O‘rganish davomida videolavhadagi holat 2023-yil noyabr oyida Gurlan tumanidagi 23-son maktabgacha ta’lim tashkiloti tarbiyachisi F.S. bog‘cha tarbiyalanuvchilarini go‘yoki bir-biri bilan urishgani uchun ularga tarsaki tushirgani va holat videotasvirga olingani ma’lum bo‘ldi.
Shuningdek, 2024-yil 17-aprel kuni tarbiyachi F.S.ning e’tiborsizligi tufayli katta guruh tarbiyalanuvchisining barmog‘i eshikning shamol ta’sirida qattiq yopilishi oqibatida jiddiy jarohat olgani aniqlandi. Tashkilot hamshirasi bu haqda bolaning ota-onasini ogohlantirganidan keyin shifoxonada bolaning barmog‘iga maxsus sim qo‘yilib muolaja qilingani ma’lum bo‘ldi. Bolaning qo‘liga igna sanchilgani holati o‘z tasdig‘ini topmadi.
Bugungi kunda tarbiyachi F.S. bilan tuzilgan mehnat shartnomasi bekor qilingan. Shuningdek, holat yuzasidan huquqni muhofaza qiluvchi tashkilotlar tomonidan o‘rganish ishlari olib borilmoqda.
Izoh (0)