Qirg‘iziston prezidenti Sadir Japarov 8-may kuni Yevrosiyo iqtisodiy ittifoqining yubiley sammitida va 9-may kuni Moskvada bo‘lib o‘tadigan G‘alaba paradida ishtirok etadi. Bu haqda Prezident administratsiyasining tashqi siyosat bo‘limi mudiri Muratbek Azimbaqiyev xabar berdi.
Oliy Yevrosiyo iqtisodiy kengashi majlisida davlat rahbarlarining 2023-yil yakunlari bo‘yicha “Yevrosiyo iqtisodiy integratsiyasini rivojlantirishning 2025-yilgacha bo‘lgan strategik yo‘nalishlarini amalga oshirishning kechishi to‘g‘risida”gi va “Yevrosiyo iqtisodiy ittifoqi xalqaro faoliyatining 2023-yilga mo‘ljallangan asosiy yo‘nalishlarini amalga oshirish to‘g‘risida” maʼruzalar tinglanadi.
“Bir qator muhim qarorlar va hujjatlarni qabul qilish, jumladan, YOII va unga aʼzo davlatlar o‘rtasida elektron axborot almashinuvi to‘g‘risidagi Protokol loyihasini tasdiqlash, ‘Yevrosiyo iqtisodiy ittifoqining 10 yilligi’ medalini taʼsis etish rejalashtirilgan”, — deydi Muratbek Azimbaqiyev.
Moskvadagi Qizil maydonda bo‘lib o‘tadigan bu yilgi paradda 9 mingdan ortiq askar ishtirok etadi. Paradda 70 ta yalpi hujum tizimlari ham namoyish etilishi rejalashtirilgan. Bu yilgi harbiy paradga rasmiylar ancha jiddiy tayyorgarlik ko‘rgani aytilmoqda.
Markaziy Osiyo davlatlari rahbari orasida Tojikiston prezidenti birinchilardan bo‘lib paradga taklif etilgan. Rasmiy manbalar 9-may kuni Rossiyaning 28 shahrida harbiy paradlar bo‘lib o‘tishini maʼlum qilgan. Ularda 50 mingdan ortiq askar va mingga yaqin qurol-yarog‘ hamda harbiy texnika ishtirok etishi kutilmoqda.
Izoh (0)