Qirg‘izistonning Jalolobod viloyati So‘zoq tumanidagi ommaviy tadbir chog‘ida “Porter” rusumli yuk mashinasi 29 nafar bolani bosib ketdi.
Bu haqda Qirg‘iziston Sog‘liqni saqlash vazirligi ma’lum qildi.
“Jabrlanganlar 9 yoshdan 16 yoshgacha bo‘lgan bolalar, dastlabki ma’lumotlarga ko‘ra, to‘qnashuv bexosdan sodir bo‘lgan: qiyalikda turgan, bortida muzqaymoq sotilayotgan yuk mashinasi kutilmaganda yurib ketib, tadbirda qatnashayotgan bolalarga borib urilgan”, — deyiladi xabarda.
18 nafar bola kasalxonaga yotqizilgan. Yetti nafari reanimatsiyada, uch nafarining ahvoli og‘ir. Yana 11 nafar bola tibbiy ko‘rikdan so‘ng ambulator davolanishga o‘tkazilgan.
Tadbir “Manas” eposiga bag‘ishlab o‘tkazilayotgani xabar qilingan.
Izoh (0)