Qozog‘iston Mudofaa vazirligi respublikada Vatan himoyachilari kuni (7-may) va G‘alaba kuniga (9-may) bag‘ishlangan harbiy paradni bu yil ham o‘tkazmaydi. Bu haqda “TASS” xabar berdi.
Vazirlik xarajatlarni tejash va boshqa vazifalar tufayli harbiy parad o‘tkazishni rejalashtirmayapti.
Qozog‘istonda 2024-yilda harbiy paradni o‘tkazish byudjetni tejash, shuningdek, boshqa muammolarni hal qilish zarurati tufayli rejalashtirilmagan. Xususan, Qozog‘iston Qurolli Kuchlari bo‘linmalarining jangovar tayyorgarligi va harakatchanligini talab darajasida ushlab turish ustuvor vazifadir, — deya tushuntirdi vazirlik.
2022 va 2023-yillarda ham Qozog‘istonda xarajatlarni tejash va boshqa vazifalar tufayli Vatan himoyachilari kuni va Xotira kuni sharafiga harbiy parad o‘tkazilmagan. 2021 va 2020-yillarda ham koronavirus tarqalishi fonida epidemik vaziyat tufayli harbiy parad bo‘lmagan.
Izoh (0)