Keniyada aprel oyida kuchli yomg‘ir sababli yuzaga kelgan suv toshqinlari oqibatida kamida 179 kishi halok bo‘ldi, yana 90 kishi bedarak yo‘qolgan. Bu haqda hukumat vakili Isaak Maygua Mvaura ma’lum qildi.
“Davom etayotgan suv toshqinlari kecha yana 10 kishining o‘limiga sabab bo‘ldi, mamlakat bo‘ylab suv toshqini qurbonlari soni 179 nafarga yetdi. Yana 20 kishi bedarak yo‘qolgan, bundaylarning jami soni 90 nafarga yetdi”, deb yozdi u ijtimoiy tarmoqda.
Unga ko‘ra, jami 125 kishi suv toshqinidan u yoki bu tarzda jabr ko‘rgan. Suv toshqinlari oqibatida jami 185 ming keniyalik uylarini tashlab, xavfsiz joylardan boshpana izlashga majbur bo‘ldi.
Avvalroq Keniya markazida to‘g‘on yorilishi oqibatida 40 nafardan ortiq odam halok bo‘lgani xabar berilgandi.
Izoh (0)