AQSHning Kolumbiya universitetida 200 nafardan ortiq talaba hibsga olingan. Bu haqda CNN nashri xabar berdi.
Manbada aytilishicha, 30-aprel kuni Nyu-York politsiya departamenti xodimlari Kolumbiya universitetidagi kampus hovlisiga bostirib kirgan. Shundan so‘ng ular talabalarni ommaviy tarzda hibsga ola boshlagan.
Universitet kampusida Isroilning Falastindagi harbiy amaliyotlaridan norozi bo‘lgan talabalar chodirlar tikib, norozilik bildirayotgan bo‘lgan. Politsiya tomonidan umumiy hisobda 230 nafarga yaqin odam hibsga olingani xabar berilgan.
Bir qancha mahalliy nashrlar universitet shimolidagi binolar atrofida ham o‘nlab talabalar hibsga olinganini xabar bergan. Universitet rahbariyati bu xabarlarni rad etgan. 200 nafardan oshiq talaba hozirda hibsda qolmoqda.
CNN nashri, shuningdek, so‘nggi namoyishlar paytida Janubiy Florida universitetida 10 nafar, Tulane universitetida 14 nafar talaba hibsga olinganini aytgan. Mamlakat bo‘ylab talabalar noroziligi kuchayib borayotgani xabar qilingan.
Izoh (0)