Кенияда апрель ойида кучли ёмғир сабабли юзага келган сув тошқинлари оқибатида камида 179 киши ҳалок бўлди, яна 90 киши бедарак йўқолган. Бу ҳақда ҳукумат вакили Исаак Майгуа Мваура маълум қилди.
“Давом этаётган сув тошқинлари кеча яна 10 кишининг ўлимига сабаб бўлди, мамлакат бўйлаб сув тошқини қурбонлари сони 179 нафарга етди. Яна 20 киши бедарак йўқолган, бундайларнинг жами сони 90 нафарга етди”, деб ёзди у ижтимоий тармоқда.
Унга кўра, жами 125 киши сув тошқинидан у ёки бу тарзда жабр кўрган. Сув тошқинлари оқибатида жами 185 минг кениялик уйларини ташлаб, хавфсиз жойлардан бошпана излашга мажбур бўлди.
Аввалроқ Кения марказида тўғон ёрилиши оқибатида 40 нафардан ортиқ одам ҳалок бўлгани хабар берилганди.
Изоҳ (0)