Farg‘onada fuqaroga qalbaki aksiz markali alkogol mahsulotini sotayotgan sotuvchi ushlandi, deb xabar bermoqda Prokuratura departamenti.
Unga ko‘ra, holat Bosh prokuratura huzuridagi departamentning Qo‘qon shahar bo‘limi tomonidan o‘tkazilgan tergovga qadar tekshiruvda aniqlangan. “A.” xususiy korxonasiga qarashli savdo do‘koni sotuvchisi M.M. 40 dona “Keklik” nomli qalbaki aksiz markali alkogol mahsulotini fuqaro A.A.ga sotgan vaqtida ushlanib, ushbu do‘kon omborxonasidan yana 6 turdagi jami 3 851 dona qalbaki aksiz markali alkogol mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)