Farg‘ona viloyati Buvayda tumanida yashovchi 38 yoshli Z.A. ichki ishlar organlariga murojaat qilib, bank kartasidan 600 ming so‘m miqdoridagi pul mablag‘lari nomaʼlum shaxs tomonidan firibgarlik yo‘li bilan o‘zlashtirilganini maʼlum qilgan. Bu haqda Kiberxavfsizlik markazi matbuot xizmati xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Andijon viloyati Andijon shahrida yashovchi 29 yoshli H.A. sodir etganligi aniqlangan.
Gumonlanuvchi sifatida tergov organlariga jalb etilgan H.A. Z.A. bilan telefon orqali gaplashib, uning ishonchiga kirgan. Avtomashina oldi-sotdisi uchun oldindan 50 dollar o‘tkazib berishini aytib, undan 600 ming so‘m o‘tkazib olganligi maʼlum bo‘ldi.
Mazkur holat yuzasidan JKning 168-moddasi (firibgarlik) 3-qismi bilan jinoyat ishi qo‘zg‘atilib, H.A.ning sodir etilib, fosh etilmay qolgan boshqa shu turdagi jinoyatlarga aloqadorligini tekshirish maqsadida tergov, tezkor-qidiruv harakatlari davom ettirilmoqda.
Izoh (0)