Toshkentning to‘rt tumanida gaz yetkazib berish vaqtincha to‘xtatiladi

Taʼmirlash ishlari tufayli Toshkentning to‘rt tumani hududida tabiiy gaz yetkazib berish vaqtincha to‘xtatiladi. Bu haqda “Hududgaz Poytaxt” matbuot xizmati xabar berdi.

Quyidagi hududlarga 18-aprel kuni soat 10:00 dan 18:00 gacha tabiiy gaz yetkazib berish vaqtincha to‘xtatiladi:

Yunusobod tumani

• aholi isteʼmolchilari —“Turkqo‘rg‘on” MFYdagi 140 ta yerli xonadon;
• ulgurji isteʼmolchilar — 12 ta.

Olmazor tumani

• aholi isteʼmolchilari — “Taxtapul” dahasida ko‘p qavatli uylaridagi 1210 ta xonadon;
• “Chilto‘g‘on” MFY — 180 ta yerli xonadon;
• ulgurji isteʼmolchilar — 11 ta.

Shayxontohur tumani

• aholi isteʼmolchilari — “Taxtapul” MFYdagi 110 ta yerli xonadon va ko‘p qavatli uylardagi 320 ta xonadon;
• ulgurji isteʼmolchilar — 8 ta.

Mirzo Ulug‘bek tumani

• aholi isteʼmolchilari — Pilla ko‘chasidagi 54 ta yerli xonadon.

Taʼmirlash ishlari tugatilgandan so‘ng, tabiiy gaz taʼminoti qayta tiklanadi. “Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi”, — deyiladi xabarda.

Mart oxirlarida Chilonzor, Uchtepa, Mirzo Ulug‘bek tumanlari gaz ta’minoti tizimida ta’mirlash va sozlash ishlari olib borilishi sabab o‘chirilgan edi.