Ba’zan bitta filmni suratga olish jarayoni bir yildan ortiq davom etadi. Aktyorlar esa shu vaqt ichida ikkinchi uyiga aylangan suratga olish maydoniga juda ko‘nikib qoladi va hayotining bir parchasiga aylangan loyiha bilan xayrlashish murakkab kechadi. Shuning uchun ko‘plab Gollivud yulduzlari filmdan esdalik sifatida o‘zlari bilan biror predmetni olib ketadi.
Rayan Reynolds — Dedpul kostyumi
“Dedpul” Rayan Reynolds o‘ynagan filmlari orasida eng yuqori reytingga egadir. Suratga olish ishlari tugagach, aktyor Dedpul kostyumini o‘zi bilan birga olib ketgan. Rayan, chamasi, hayotda ham super qahramon bo‘lib qolishni istaydi.
“Men bu filmni suratga olishlarini 11 yil kutganman, shu sababli kostyumni o‘zim uchun qoldirdim”, — deydi aktyor.
Kichik Robert Dauni — ulkan A harfi
Aktyor Marvel olamiga o‘zgacha mehr qo‘yganligi shubhasiz — u shaxsiy kabinetiga Qasoskorlar (Avengers) shtab-kvartirasidagi ulkan “A” harfini osib qo‘ygani haqida maqtangan edi. Mazkur esdalik “Qasoskorlar: Altron davri” filmini suratga olingandan so‘ng olib ketilgan.
Aleksandr Skarsgard — kamar
“Haqiqiy qon” nomli vampirlar haqidagi serial tugagach, aktyorlar jamoasining har bir a’zosi uyiga esdalik sovg‘asini olib ketdi. Ular asosan qilich va shu kabi harbiy qurollarni tanlashgan. Aleksandr Skarsgard esa faqat qonli kamarga ega bo‘lgan.
“Ular mening filmga bo‘lgan hissamni shunday tarzda baholashdi”, — deya hazillashadi Skarsgard.
Lili Jeyms — yubka va kofta
Amerikaning “Pem va Tommi” nomli mini-serialda Pamela Anderson obrazini gavdalantirgan Lili Jeymsga 2000 yillarning modasi juda yoqqan va syomkalardan so‘ng bir nechta kiyim-kechaklarni o‘zi bilan olib ketgan.
Jennifer Lourens — kamon
Aktrisa Jennifer Lourens “Hayot-mamot o‘yinlari” filmida o‘z obraziga tegishli turli kostyumlarni o‘zlashtirib olgan. Masalan, aktrisa bisotida ov uchun charm kurtka, etik va hatto kamon ham mavjud.
Tom Holland — Toni Stark ko‘zoynagi
Tom Hollandning uyi “O‘rgimchak odam” filmiga oid rekvizitlarga to‘la.
“Menda O‘rgimchak-odam kostyumidagi veb-shuter (o‘rgimchak to‘ridan qurol) to‘plami hamda Toni Starkning ko‘zoynaklari ham bor”, — deya tan oldi aktyor.
Tom o‘rgimchak-odamning kostyumini ham o‘zi bilan olib ketishga uringan, ammo buning uddasidan chiqa olmagan.
Izoh (0)