Ushbu mashhur aktrisalar ishtirokidagi filmlarni birinchi marta tomosha qilganlar ularni yaxshi eslaydi. Lekin aktrisalarning ba’zilari bir obrazning asiriga aylangan bo‘lsa, boshqalari karyerasini ikkinchi planga qo‘ydi. Hozirda bu yulduzlarning nomlari deyarli unutilgan, ammo bunga nima sabab bo‘lgan?
Meg Rayan
Biz bu ajoyib aktrisani “Sietllik bedorlar”, “Farishtalar shahri”, “Garri Salli bilan uchrashganda”, “Keyt va Leo”, “Sizga maktub” filmlari orqali eslaymiz. Meg bir necha bor “Oltin globus” mukofotiga nomzod bo‘lgan, uning iste’dodi Amerika aktyorlari gildiyasi tomonidan qayd etilgan va yulduz People jurnaliga ko‘ra, dunyodagi eng go‘zal 50 nafar ayol ro‘yxatiga kiritilgan. Rayan melodramalarda suratga tushgach, allaqachon shakllangan obrazdan xalos bo‘lishga bir necha bor harakat qiladi:
Men juda tartibsiz rol o‘ynadim: komediya, keyin drama, katta film, keyin kichik film. Nima qilayotganimni bilmasdim. Men hammaning ko‘z o‘ngida o‘rgandim.
2003-yilda Megan ishtirokida “Ehtirosning qorong‘i tomoni” filmi chiqdi. Aynan shu film mashhurni pastga tushirdi — tanqidchilar syujetga turli xil baho berdi, yulduzning o‘zi esa The New York Times gazetasiga bergan intervyusida o‘zini go‘yo “hayotidagi so‘nggi filmda rol o‘ynagandek his qilgan” va hissiy charchoq tufayli karyerasidan tanaffus oladi.
2009-yildan beri Rayan kichik rollarni ijro etib, o‘z iltimosiga binoan ish vaqtini qisqartiradi. Buning sabablaridan biri — muvaffaqiyatsiz o‘tkazilgan yuz plastik jarrohligi. Aytgancha, hozir aktrisa o‘zini rejissyor sifatida ko‘proq rivojlantirmoqda — o‘tgan yili u o‘zining “Keyin nima bo‘ladi” filmida bosh qahramon Villa rolini o‘ynagan.
Kler Forlani
Kler Forlani Bred Pitt bilan birga “Tanishing, Jo Blek” melodramasida bosh rolni ijro etib, tomoshabinlarni maftun etadi. Stuff jurnalining “100 nafar jozibador ayol” reytingida 51-o‘rinni egallaydi va shon-shuhrat poydevorini birdan tark etadi. Aktrisa uchun yuqoridagi film premyerasidan so‘ng, tez orada rejissyor Stiven Sommerning 1998-yilda “Tubsizlik” filmida ishtirok etish taklifini qabul qiladi. Ammo Stiven hamkasblariga noprofessional munosabatda bo‘lishni boshlaganidan keyin hafsalasi pir bo‘lgan aktrisa filmni janjal bilan tark etadi.
Shundan so‘ng 2000-yilda Forlani “Sehrgarlar” komediyasida bosh rolni o‘ynaydi va 2011-yilgacha karyerasida tanaffus oladi. Gap shundaki, 2007-yilda aktrisa aktyor Dugrey Skottga turmushga chiqib, oilasiga ko‘proq e’tibor qarata boshlaydi. Aytgancha, er-xotin farzand asrab olishadi — bolakayning ismi Milo va u 2014-yilda tug‘ilgan.
Linda Hemilton
Aslida Lindani unutish qiyin, chunki u “Terminator” filmida Sara Konnor rolini o‘ynagan. Hozirda ham Hemilton ushbu film bilan assotsiatsiya qilinadi, garchi uning filmografiyasida “Sohibjamol va maxluq”, “Ijaraga olingan tansoqchi” va “Sokin tun” kabi muvaffaqiyatli filmlar mavjud bo‘lsa ham.
Bundan tashqari, joriy yilning fevral oyida aktrisa Konorning hikoyasiga qaytmoqchi emasligini, lekin boshqa loyihalarda rol o‘ynashdan bosh tortmasligini aytadi. Ayni paytda 67 yoshli aktrisa dunyo bo‘ylab sayohat qilishni, ot minishni va baliq tutishni afzal ko‘radi.
Mening boshqa aytadigan gapim yo‘q. Sara Konnor hikoyasi tugadi. Nima uchun kimdir Terminator olamini qayta suratga olishni xohlashi menga haligacha noma’lum. Ammo men bilaman, hozir bizning Gollivud dunyomiz qayta suratga olishlar ustiga qurilgan, — deydi u Business Insider’ga bergan intervyusida.
Jennifer Grey
1987-yilda chiqqan “Shahvoniy raqs” kam byudjetli loyiha bo‘lib, undan Jennifer dunyo miqyosida shuhrat qozonishni kutmagandi — roli uchun u “Eng yaxshi aktrisa” nominatsiyasida “Oltin globus” mukofotini oladi.
Film chiqishi bilan kassa tushumlari kartina byudjetidan 30 baravar oshib ketadi va rejissyorlarda Grey katta taassurot qoldiradi. Agar uning burni operatsiya bo‘lmaganida, hozir ham u ekranlardan tushmasdi. Aktrisa burnining shaklidan qoniqmaydi, 1989-yilda Jennifer plastik jarrohga murojaat qilishga qaror qiladi va oxir-oqibat burnini “hammaniki kabi” qildiradi. Film ijodkorlari Jenniferning jo‘shqinligini yo‘qotib, qolipga tushgan qizga aylanganini aytib, u bilan shartnomalarini bekor qiladi.
Men operatsiya xonasiga mashhur odam bo‘lib kirdim va hech kim bo‘lib chiqdim. Endi muvaffaqiyatsiz jarrohlik tufayli hech kim tanimaydigan mashhur aktrisa bo‘lib qolaman, — deydi afsus bilan.
2016-yilda Greyga “Shahvoniy raqs” filmining davomida ishtirok etish taklif qilinadi, ammo boshqa rolda. Aktrisa bu fikrni qat’iyan rad etib, u endi o‘sha Bebi emasligini eslatadi.
Yulduz hali ham filmlarda suratga tushishda davom etmoqda, lekin bu rollar unga avvalgidek shon-shuhrat keltirmaydi.
Jina Devis
Jina “Telma va Luiza”, “Bitljuz”, “Pashsha”, “Styuart Littl” va “Chaqirilmagan sayyoh” filmlari bilan yodda qolgan. Ikkinchi plandagi roli uchun aktrisa “Oskar” mukofoti bilan taqdirlangan.
2005-yilda Devis “Prezident-ayol” filmida Amerika prezidenti sifatida rol o‘ynab, olamshumul mashhurlikka erishadi. Buning uchun u “Oltin globus” bilan taqdirlangan.
Hozirda 68 yoshli aktrisa rol o‘ynashda davom etmoqda, ammo uning rollari katta mashhurlik keltirmaydi. Uning o‘zi aytganidek, Gollivud odamlarni yoshiga qarab kamsitadi:
Gollivudda aktrisaga eng yuqori talab 20 yoshdan 30 yoshgacha, aktyor uchun esa 30 yoshdan 40 yoshgacha. Agar 50 yoshdan oshgan bo‘lsangiz, 99 foiz kastingda sizni chetlatishadi. Yoshim 30 dan oshganida kastingdan o‘tolmadim, chunki filmdagi partnyorim o‘rnimga yoshroq aktrisa bo‘lishini talab qildi. Lekin men o‘sha aktyordan 20 yosh kichik edim!
-wcZ43drQ.webp)
Shunday bo‘lsa-da, Jina hozirda aktyorlikdan ko‘ra muhimroq kasbga ega: u kitoblar yozadi, o‘z nomi bilan atalgan fondni rivojlantiradi, unda u sport, jurnalistika va ko‘ngilochar industriyada teng huquqlilikni himoya qiladi.
Izoh (0)