Yaqin kunlarda katta ekranlarda yangi shov-shuvli film chiqishi kutilmoqda. Butun dunyoning eng badavlat biznesmenlari reytingida bir necha yil davomida yetakchilik qilib kelgan Ilon Mask o‘zi haqida avtobiografik film olishni rejalashtirgan. Bu haqda Europa Plus nashri xabar berdi. Bosh rol uchun nomzod ismi allaqachon ma’lum.
Ilon Mask haqidagi bayopik “Qora oqqush”, “Orzudagi rekviyem” nomli kinolar muallifi, amerikalik rejissyor Darren Aronofski tomonidan suratga olinadi.
Ommaviy tadbirlarning birida jurnalistlar Ilon Maskdan qaysi aktyorni uni ijro etish uchun loyiq ko‘rishini so‘rashdi. Bunga javoban biznesmen:
Sizningcha meni kim ijro eta olishi mumkin? — deya qarshi savol berdi.
Bredli Kuper haqidagi jurnalistlarning taxminiga Ilon Mask o‘zini kulgidan tiya olmadi va shaxsiy taklifini bildirdi:
Britaniyalik aktyor Benedikt Kamberbetchga nima deysiz?
Bunga javoban OAV vakillarining rozilik olqishlari yangradi va Ilon kameraga qarata mashhur Sherlok obrazini gavdalantirgan aktyorga murojaat qildi:
Xo‘sh, Benedikt, siz nima deb o‘ylaysiz?
Benedikt Kamberbetchning javobini intizorlik bilan kutamiz. Mazkur loyiha kino sanoatida o‘chmas iz qoldiradi degan umiddamiz.
Filmlar mavzusini davom ettirar ekan, jurnalistlar Maskka Tom Kruz bilan hamkorlik haqida savol berdi.
Mashhurlar “Uddalab bo‘lmas topshiriq” filmining navbatdagi qismini koinotda suratga olmoqchi bo‘lgani haqida mish-mishlar tarqalgan edi.
Biz aktyor bilan bu haqda muzokaralar o‘tkazdik, lekin Tom Kruz bu haqda qanday fikrda ekanligini hanuz bilmayman, — dedi Ilon Mask.
Texnologiyalar milliarderi haqidagi hikoya Uolter Ayzeksonning “Ilon Mask” kitobi asosida suratga olinadi.
Izoh (0)