“Rinotin kids” biologik faol qo‘shimchasiga berilgan ruxsatnoma bekor qilindi. Bu haqda Sanepidqo‘mita axborot xizmati xabar berdi.
Maʼlum qilinishicha, Sanepidqo‘mita mutaxassislari tomonidan o‘rganish ishlari olib borilib, aholi orasida ovqatdan zaharlanish holatlarini kelib chiqishining oldini olish maqsadida sirop mahsulotlariga berilgan ruxsatnomalar bekor qilingan.
Shu bilan birgalikda Cynergy Pharmco MCHJga respublika hududlaridagi barcha savdo tarmoqlari hamda dorixonalardagi Rad Gida Laboratuvarive Ilac Sanayi Ticaret Limited kompaniyasi tomonidan ishlab chiqarilgan “Rinotin kids” sirop mahsulotlarini qaytarib olish topshirig‘i berilib, ijrosi nazorat ostiga olindi.
Bugungi kun holatiga ko‘ra korxona tomonidan 28 ta dorixonadan mahsulotlar qaytarib olindi. Mazkur holat yuzasidan profilaktik tadbirlar davom ettirilmoqda.
Izoh (0)