“Ринотин кидс” биологик фаол қўшимчасига берилган рухсатнома бекор қилинди. Бу ҳақда Санэпидқўмита ахборот хизмати хабар берди.
Маълум қилинишича, Санэпидқўмита мутахассислари томонидан ўрганиш ишлари олиб борилиб, аҳоли орасида овқатдан заҳарланиш ҳолатларини келиб чиқишининг олдини олиш мақсадида сироп маҳсулотларига берилган рухсатномалар бекор қилинган.
Шу билан биргаликда Cynergy Pharmcо МЧЖга республика ҳудудларидаги барча савдо тармоқлари ҳамда дорихоналардаги Rad Gida Laboratuvarive Ilac Sanayi Ticaret Limited компанияси томонидан ишлаб чиқарилган “Ринотин кидс” сироп маҳсулотларини қайтариб олиш топшириғи берилиб, ижроси назорат остига олинди.
Бугунги кун ҳолатига кўра корхона томонидан 28 та дорихонадан маҳсулотлар қайтариб олинди. Мазкур ҳолат юзасидан профилактик тадбирлар давом эттирилмоқда.
Изоҳ (0)