Qashqadaryo viloyati, Shahrisabz tumanida yashovchi (ayol) J.S. ichki ishlar organlariga murojaat qilib, bank kartasidan jami 7 mln 380 ming so‘m miqdoridagi pul mablag‘lari nomaʼlum shaxs tomonidan firibgarlik yo‘li bilan o‘zlashtirilganligini maʼlum qilgan. Bu haqda Kiberxavfsizlik markazi matbuot xizmati xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Qashqadaryo viloyati, Shahrisabz shahrida yashovchi 29 yoshli J.F. sodir etganligi aniqlangan.
Unga ko‘ra, J.F., jabrlanuvchi J.S. bilan Telegram orqali o‘zini Fazliddin deb tanishtirib, unga haydovchilik guvohnomasi tayyorlab berishini aytib, oldindan 7 mln 380 ming so‘m miqdoridagi pullarni o‘zining foydalanuvida bo‘lgan bank kartasiga o‘tkazib olgan. So'ng yozishmalarni o‘chirib yuborgan, uning qo‘ng‘iroqlariga javob bermay, qora ro‘yxatga kirgazib qo‘ygan.
Mazkur holat yuzasidan JKning 168-moddasi 3-qismi (firibgarlik) bilan jinoyat ishi qo‘zg‘atilib, J.F.ning sodir etilib, fosh etilmay qolgan boshqa shu turdagi jinoyatlarga aloqadorligini tekshirish yuzasidan tezkor-surishtiruv ishlari olib borilmoqda.
Izoh (0)