2024-yilda Ukraina davlat qarziga xizmat ko‘rsatish va to‘lash uchun mamlakat byudjetidan 1 trilliondan ortiq grivna ajratishi kerak. Bu taxminan 25,6 milliard dollar, dedi Oliy Rada Byudjet qo‘mitasi raisi Roksolana Pidlasa.
“2024-yilda biz davlat qarzini to‘lash va unga xizmat ko‘rsatish bo‘yicha 1 trilliondan ortiq grivna ajratishga majbur bo‘lamiz”, — dedi u.
Thepage.ua portalining 2-aprel kuni xabar berishicha, Ukrainaning davlat qarzi darajasi allaqachon yalpi ichki mahsulotning 85 foizidan oshib ketgan. Joriy yilning mart oyida davlat qarzining o'sishi kuchaydi, bunga respublika hukumatining 9 milliard dollarlik imtiyozli kreditlar jalb etilishi ta'sir ko'rsatdi.
“RIA Novosti”ning hisob-kitoblariga ko‘ra, Ukrainaning aholi jon boshiga davlat qarzi darajasi 2014-yildan beri to‘rt baravarga oshgan.
AQSH hukumati hali ham Ukrainaga yangi yordam paketi bo'yicha kelisha olmayapti. Kongressda bu masalani muhokama qilish 2023-yilning kuzidan beri davom etmoqda. Amerikaning The Hill nashriga ko‘ra, Kongress Vakillar palatasi 2025-moliya yili uchun byudjetni qabul qilishdan oldin Ukrainaga yangi yordam paketini ma’qullamasligi mumkin.
850 milliard dollarlik byudjet taklifi prezident Jo Bayden maʼmuriyati tomonidan 1-mart kuni eʼlon qilingan. Biroq Ukrainaga yordam berish haqida hech narsa aytilmagan.
Izoh (0)