Yevropa va xalqaro tadqiqotlar bo‘yicha ekspert Eldaniz Guseynov yaqinda Fransiya prezidenti Emmanuel Makronning Markaziy Osiyoga diplomatik tashrifi va Rossiya ta’siri kuchayayotgan bir paytda uning strategik oqibatlari haqida o‘z fikrlari bilan o‘rtoqlashdi.
Hague tadqiqot instituti tomonidan nashr etilgan intervyuda Guseynov Makronning Qozog‘iston va O‘zbekistonga yaqinda qilgan tashrifi haqida fikrlarini bayon etib, mazkur majburiyatlar asosidagi geosiyosiy nyuanslarga oydinlik kiritgan.
Guseynov Makronning Markaziy Osiyo diplomatiyasining geosiyosiy jihatiga urg‘u berib, buni Rossiyaning Afrikadagi taʼsiri kuchayishiga strategik javob deb atagan.
Uran sohasidagi hamkorlikka qaratilgan ommabop fikrlardan farqli o‘laroq, Guseynov Fransiyaning strategik maqsadlari resurs manfaatlaridan tashqarida ekanini ta’kidlagan. U Fransiyaning mintaqadagi xavfsizlik strategiyasi va geosiyosiy mavqeyini mustahkamlash borasidagi sa’y-harakatlarini, qo‘shma universitetlar va mudofaa sohasidagi hamkorlik kabi tashabbuslar bilan ifodalanganini qo‘shimcha qilgan.
Guseynov, shuningdek, qo‘shma universitetlar tashkil etilishi, Fransiya institutlarining Markaziy Osiyoga e’tibori ortishi kabi ijobiy o‘zgarishlarni qayd etgan.
Siyosiy ekspert Markaziy Osiyo davlatlari bilan Fransiya o‘rtasida qishloq xo‘jaligi, madaniyat, sport va ilmiy faoliyat kabi turli sohalarni qamrab olgan hamkorlikning ko‘plab imkoniyatlarini sanab o‘tgan. U Fransiyaning ko‘magi tufayli Markaziy Osiyoning Yevropa Ittifoqidagi vakilligini oshirish imkoniyatlarini ta’kidlagan.
Guseynov Fransiyaning nisbatan izchil tashqi siyosatini e’tirof qilar ekan, uning Rossiya bilan harbiy raqobatidan kelib chiqadigan muammolarga to‘xtalgan. U Fransiyaning Markaziy Osiyodagi har qanday tashabbusi Rossiya rasmiylarining salbiy munosabatiga sabab bo‘lishi va bu diplomatik harakatlarni murakkablashtirishi mumkinligidan ogohlantirgan.
Izoh (0)