Toshkentning Chilonzor tumanidan oqib o‘tuvchi Bo‘rijar kanalida 3 kishi cho‘kib ketgani haqida xabar berilgandi. Bosh prokuraturaga ko‘ra, erkakning jasadi topildi.
Dastlabki taxmin va guvohlarning so‘zlariga ko‘ra, 10-aprel kuni 5 yoshli bola Bo‘rijar kanali atrofida o‘ynab yurib, ehtiyotsizlik oqibatida kanalga tushib ketadi. Bu holni ko‘rgan onasi bolani qutqarish maqsadida suvga tushadi va oqimning tezligi hamda kanalning chuqurligi sabab bola bilan birga oqib ketadi.
Bundan tashqari, ona va bolani qutqarish uchun suvga tushgan yana bir shaxs ham cho‘kib ketgan. Shu kuni ona va bolaning jasadi suvdan chiqarib olingan. Bugun esa erkakning ham jasadi topilgan.
Mazkur holat yuzasidan Chilonzor tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)