Тошкентнинг Чилонзор туманидан оқиб ўтувчи Бўрижар каналида 3 киши чўкиб кетгани ҳақида хабар берилганди. Бош прокуратурага кўра, эркакнинг жасади топилди.
Дастлабки тахмин ва гувоҳларнинг сўзларига кўра, 10 апрель куни 5 ёшли бола Бўрижар канали атрофида ўйнаб юриб, эҳтиётсизлик оқибатида каналга тушиб кетади. Бу ҳолни кўрган онаси болани қутқариш мақсадида сувга тушади ва оқимнинг тезлиги ҳамда каналнинг чуқурлиги сабаб бола билан бирга оқиб кетади.
Бундан ташқари, она ва болани қутқариш учун сувга тушган яна бир шахс ҳам чўкиб кетган. Шу куни она ва боланинг жасади сувдан чиқариб олинган. Бугун эса эркакнинг ҳам жасади топилган.
Мазкур ҳолат юзасидан Чилонзор туман прокуратураси томонидан терговга қадар текширув ҳаракатлари олиб борилмоқда.
Изоҳ (0)