Futbol bo‘yicha Italiya chempionati 31-turidan o‘rin olgan “Udineze” — “Inter” uchrashuvidan so‘ng mehmonlar o‘ziga xos rekord o‘rnatdi.
Uchrashuv Udine shahrida bo‘lib o‘tdi va mehmonlarning 2:1 hisobidagi g‘alabasi bilan yakunlandi.
“Inter” A Seriya tarixida 1-turdan 31-turgacha bo‘lgan har bir o‘yinda gol urgan birinchi jamoaga aylandi.
31-turga kelib Italiya chempionati turnir jadvalida 82 ochko to‘plagan “Inter” yakka peshqadamlik qilmoqda. Jamoa eng yaqin ta’qibchisi “Milan”dan 14 ochko oldinda.
Eslatib o‘tamiz, “Inter” joriy mavsumda Italiya chempionatida faqat bitta o‘yinda mag‘lub bo‘ldi. Italiya chempionatining navbatdagi turida “Inter” o‘z maydonida “Kalyari”ni qabul qiladi. O‘yin 14-aprel kuni bo‘lib o‘tadi.
Izoh (0)