Футбол бўйича Италия чемпионати 31-туридан ўрин олган “Удинезе” — “Интер” учрашувидан сўнг меҳмонлар ўзига хос рекорд ўрнатди.
Учрашув Удине шаҳрида бўлиб ўтди ва меҳмонларнинг 2:1 ҳисобидаги ғалабаси билан якунланди.
“Интер” А Серия тарихида 1-турдан 31-тургача бўлган ҳар бир ўйинда гол урган биринчи жамоага айланди.
31-турга келиб Италия чемпионати турнир жадвалида 82 очко тўплаган “Интер” якка пешқадамлик қилмоқда. Жамоа энг яқин таъқибчиси “Милан”дан 14 очко олдинда.
Эслатиб ўтамиз, “Интер” жорий мавсумда Италия чемпионатида фақат битта ўйинда мағлуб бўлди. Италия чемпионатининг навбатдаги турида “Интер” ўз майдонида “Кальяри”ни қабул қилади. Ўйин 14 апрель куни бўлиб ўтади.
Изоҳ (0)