“Real” prezidenti Florentino Peres Chempionlar Ligasi doirasida “Manchester Siti”ga qarshi o‘yin oldidan jamoaga murojaat qildi.
U futbolchilardan Angliyaga jo‘nab ketishdan oldin ishonchliroq hisobda g‘alaba qozonishlarini so‘radi va futbolchilarning imkoniyatlariga ishonch bildirdi.
“Bizga shunchaki g‘alaba qozonishning o‘zi etarli emas, biz buni bittadan ortiq gol farqi bilan amalga oshirishga harakat qilishimiz kerak. Ishonchim komilki, siz buni uddalaysiz, biz madridliklar sizga ishonamiz”, — deya Florentino Peres so‘zlarini keltiradi Defensa Central nashri.
Eslatib o‘tamiz, bugun, 9-aprel kuni “Real Madrid” o‘z uyida “Manchester Siti”ni qabul qiladi. Bu jamoalar o‘rtasidagi Chempionlar Ligasining 1/4 bosqichidagi ilk o‘yin bo‘ladi. Javob o‘yini kelasi hafta Manchester shahrida bo‘lib o‘tadi.
Izoh (0)