Futbol bo‘yicha Saudiya Arabistoni Superkubogi yarim final bahslari 8-aprel, dushanba kuni bo‘lib o‘tdi.
“Al-Hilol” final yo‘llanmasi uchun “An-Nassr”ga qarshi o‘ynadi. Uchrashuvning birinchi bo‘limida darvozalar daxlsizligi saqlanib qoldi. Ikkinchi bo‘limda esa “Al-Hilol” hisobni ochdi. 61-daqiqada Ad-Dosari o‘z nomini tabloga yozdirib qo‘ydi. 72-daqiqada Malkom uchrashuvdagi ikkinchi gol muallifiga aylandi. 86-daqiqada esa Krishtianu Ronaldu qizil kartochka olib, maydonni tark etdi.
90+9-daqiqada esa Sadio Mane hisobni qisqartirishga muvaffaq bo‘ldi.
O‘yin “Al-Hilol”ning 2:1 hisobidagi g‘alabasi bilan yakunlandi.
Yana bir yarim final o‘yinida “Al-Ittihod” “Al-Vahda” bilan bahs olib bordi. Uchrashuvning ilk daqiqasidayoq Karim Benzema hisobni ochdi. Birinchi bo‘lim oxirida esa Hamdalla hisobni ishonchli ko‘rinishga olib keldi.
Ikkinchi bo‘limda esa xavfli vaziyatlar bo‘lsa-da, 90-daqiqagacha darvozalar ishg‘ol etilmadi. 90+7-daqiqada Issa hisobni qisqartirdi. Biroq bu gol “Al-Ittihod”ni finalga chiqishiga qarshilik qila olmadi.
Shu tariqa “Al-Hilol” va “Al-Ittihod” finalda o‘zaro bahs olib boradi. Ular o‘rtasidagi uchrashuv 11-aprel sanasida bo‘lib o‘tadi.
Saudiya Superkubogi
Yarim final
8-aprel, dushanba
“Al-Hilol” –“An-Nassr” 2:1
Gollar: Ad-Dosari (61), 2:0 – Malkom (73), 2:1 — Sadio Mane (90+9).
“Al-Ittihod” –“Al-Vahda” 2:1
Gollar: 1:0 – Benzema (1), 2:0 – Hamdalla (42), 2:1 – Issa (90+7).
Izoh (0)