Prezident raisligida Jizzaxda o‘tkazilgan yig‘ilish, 9 ta viloyatda sel-suv toshqini xavfi eʼlon qilinishi, Nukusda 65 ming dollar evaziga DXXga ishga kiritib qo‘yishni vaʼda qilgan shaxs ushlanishi — “Daryo” nashri bugun, 9-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda “Paxtakor” stadioni yonidagi avtoturargoh o‘rnida biznes markazi quriladi
Markazga 10 million dollardan kam bo‘lmagan miqdorda to‘g‘ridan to‘g‘ri xorijiy investitsiyalar yo‘naltiriladi.
Toshkentda yo‘l talashib janjallashgan Spark haydovchisining mashinasidan psixotrop dorilar topildi
Hozirda aniqlangan holat yuzasidan surishtiruv ishlari olib borilmoqda.
Enter Engineering ishchilarining ommaviy noroziligidan keyin yanvar oyi uchun maosh tarqatishni boshladi (foto)
“Navbat juda ko‘p. Ertaga bayram bo‘lgani uchun pul olamiz deb, ko‘pchilik uzoqdan kelgan. Faqatgina yanvar oyi maoshimizning 70 foizini naqd berishyapti. Qolgan 30 foizini plastik kartochkamizga tashlashar ekan”, — deydi maosh olayotganidan quvongan ishchi.
Toshkentda metro vagonida notanish qizga tegajog‘lik qilgan erkak besh sutkaga qamaldi
Jabrlanuvchi sud majlisida huquqbuzarga nisbatan og‘irroq jazo tayinlashni so‘ragan.
DXX sifati kafolatlanmagan va tegishli hujjatlari bo‘lmagan dori vositalarining savdosiga chek qo‘ydi (video)
Yakkabog‘dagi xonadonlarning biridan ro‘yxatdan o‘tmagan 1,3 mlrd so‘mlik dorilar topilgan.
O‘zbekistonning 9 ta viloyatida sel-suv toshqini xavfi e’lon qilindi
Yomg‘ir suvlari to‘planib, hududlarni suv bosish ehtimoli bor.
Qashqadaryoda prokuratura tergovchisi 5 ming dollar pora bilan ushlandi
U ish yurituvidagi jinoyat ishi bo‘yicha aybdor shaxsga nisbatan yengillik qilib berish evaziga pul olgan.
Toshkentda yuk mashinalari harakati bir sutkaga to‘liq cheklanadi
Ramazon hayiti munosabati bilan xavfsizlik choralarini ko‘rish maqsad qilingan.
Shavkat Mirziyoyev Jizzax viloyati rahbariyatining tadbirkorlikni rivojlantirishdagi faoliyati juda sustligini aytdi
Prezidentning ta’kidlashicha, viloyat ekin yerida yetishtirilayotgan mahsulot boshqa viloyatlarga nisbatan 2 barobar kam.
O‘zbekistonda eksport hajmi 50 mln dollardan oshgan korxonalarga aylanma uchun 10 mln dollargacha resurs ajratiladi
Prezident Jizzaxda o‘tkazilayotgan yig‘ilishda mutasaddilarga bu bo‘yicha ko‘rsatma berdi.
Jizzaxda tomorqalarni ishga solish bo‘yicha 309 ta mahallaga lider tadbirkor — eksportchilar biriktiriladi
Viloyatda kam hosil berayotgan yerlar lotlarga bo‘linib, meva-sabzavot ekadiganlarga taklif qilinadi.
Toshkentda 125 ta masjid atrofidagi yo‘llarda transport vositalari harakati vaqtincha to‘xtatiladi
Poytaxt IIBB yopiladigan yo‘llar ro‘yxatini e’lon qildi.
Irjar—Do‘stlik—Jizzax yo‘nalishida teplovoz qatnovi yo‘lga qo‘yiladi
Ushbu qatnov Sharof Rashidov, Paxtakor, Do‘stlik va Mirzacho‘l tumanlarini Jizzax shahri bilan bog‘laydi.
“Dok-1 Maks” ishi bo‘yicha yana sud majlisi boshlandi. Dastlabki hukmdan norozilar sudga apellyatsiya kiritgan
Shikoyat sudya Muzaffar Ahmedov boshchiligidagi sudlov hay’ati tomonidan ko‘rib chiqilmoqda.
“Ishlab chiqaruvchi uchun ham, isteʼmolchi uchun ham zararli” — faollar O‘zbekistondagi avtomobil monopoliyasi haqida
“Bozordagi barcha o‘yinchilarga teng imkoniyatlar taqdim etilmasa, sho‘rpeshona o‘zbekistonliklarning tanlovsizligi davom etaveradi”, — deb yozadi iqtisodchi Otabek Bakirov.
“O‘lmagan deb o‘ylayapman”: Ohangarondagi tug‘uruqxonada vafot etgan homilador ayolning eri voqea haqida aytib berdi (video)
Ayolning to‘satdan ahvoli og‘irlashib, reanimatsion choralarga qaramay vafot etgan.
Toshkentda avtobus haydovchisi eshikka qisilib qolgan yo‘lovchini bir necha metrga sudrab ketdi (video)
Shu sababli haydovchi ishdan olindi.
Prezident Zomindagi Jizzax Organic chorvachilik klasteri faoliyati bilan tanishdi
Banklar orqali mahallalarga beriladigan moliyaviy xizmatlar to‘plamida chorvachilikni ham nazarda tutish bo‘yicha topshiriqlar berildi.
Nukusda 65 ming dollar evaziga DXXga ishga kiritib qo‘yishni vaʼda qilgan shaxs ushlandi
Holat yuzasidan jinoyat ishi qo‘zg‘atilib, tergov harakatlari olib borilmoqda.
Toshkentda profilaktika inspektori pichoqlandi
Holat bo‘yicha jinoyat ishi qo‘zg‘atilgan.
Shavkat Mirziyoyev Zarbdordagi “Lalmikor” mahallasiga bordi
Prezident tomorqa egalariga maymunjon, xo‘jag‘at, golubika mevalarini sifatli yetishtirish ilmini o‘rgatish muhimligini taʼkidladi.
Qashqadaryo viloyati ona va bola markazida xodimlar majburiy mehnatga jalb qilingani rad etildi
Markazda bu bo‘yicha yig‘ilish o‘tkazilgan.
Shavkat Mirziyoyev O‘zbekiston xalqini Ramazon hayiti bilan tabrikladi
Davlat rahbari O‘zbekiston xalqiga sihat-salomatlik, baxt-u saodat, xonadonlarga fayz-u baraka tiladi.
Shavkat Mirziyoyev nomiga Ramazon hayiti munosabati bilan xorijiy davlat va hukumatlar rahbarlari hamda din arboblaridan qutlovlar kelmoqda
Tabriknomalarda xorijiy hamkorlar o‘zaro manfaatli hamkorlikni bundan buyon ham har tomonlama rivojlantirish va mustahkamlashga intilishini bildirmoqda.
Izoh (0)