Xabaringiz bor, 2024-yilning 26-fevral kuni O‘zbekistonda 68 nafar bolaning o‘limi, 16 nafar bolaning nogiron bo‘lib qolishga olib kelgan “Dok-1 Maks” ishi bo‘yicha sudning yakuniy hukmi e’lon qilingandi. Hukmga ko‘ra, sudlanuvchilarning 7 nafari ozodlikdan mahrum qilingan bo‘lsa, 14 nafarining ozodligi cheklandi. Shuningdek, bir nafari axloq tuzatish ishlariga jalb etilishi belgilangan bo‘lsa, yana bir nafari 17 million so‘mlik jarimaga tortilgan. “Daryo” manbasining ma’lumot berishicha, jazolanganlarning 7 nafari hukmdan norozi bo‘lib, sudga apellyatsiya shikoyatini kiritgan.
Aniqlanishicha, 20 yil muddatga ozodlikdan mahrum qilingan S.R.P., 18 yil muddatga ozodlikdan mahrum qilingan Sardor Kariyev va uning har biri 16 yil muddatga qamalgan o‘rinbosarlari — A.Azimov va N.Musayevlar, 16,6 yilga ozodlikdan mahrum etilgan Sh.Shodmanov hamda 2 yil muddatga ozodligi cheklangan Sh.Abdug‘aniyev va I.Mirzayoqubovlar sudning dastlabki hukmidan norozi bo‘lgan.
Ta’kidlanishicha, sudya Muzaffar Ahmedov boshchiligidagi sudlov hay’ati 2024-yilning 5-aprel kuni ularning apellyatsiya shikoyatini ko‘rib chiqish jarayonini boshlagan.
Sud 15-aprel kuni o‘z ishini davom ettiradi, — deydi Toshkent shahar sudi axborot xizmati rahbari
Izoh (0)